Իրավաբանական ընկերությունների հետ համագործակցելով՝ մենք աջակցում ենք Ձեր ընկերությանը իրավական և հարկային հարցերն արագ և արդյունավետ լուծելու համար:
Հարկային կամ իրավական հարցերի դեպքում կարող ենք կապ հաստատել Գերմանիայի համապատասխան կառույցի հետ՝ փորձելով ճշտել Ձեզ հուզող հարցերն ու տեղեկությունները: Մեզ կարող եք դիմել նաև վիզայի կամ աշխատանքի ընդունման ընթացակարգի մասին հարցերի դեպքում:
DWV-ն կարող է Ձեզ տրամադրել Հայաստանի և Գերմանիայի իրավական դաշտի մասին տեղեկություններ: Հարցերի դեպքում խնդրում ենք գրավոր դիմել մեզ:
Պայմանագրերի ստուգում
Անհրաժեշտության դեպքում մենք կարող ենք մեր մասնագետների ու գործընկերների օգնությամբ ստուգել գերմանական ընկերության հետ աշխատանքային կամ այլ տիպի պայմանագրերը՝ տրամադրելով անհրաժեշտ խորհրդատվություն:
Պատրաստվու՞մ եք գործնական կապեր հաստատել գերմանական ընկերության հետ, և Ձեզ անհրաժե՞շտ է խորհրդատվություն հետագա համագործակցության վերաբերյալ:
Մի՛ վարանեք, դիմե՛ք մեզ:
Արտասահմանում ընկերություն հիմնելիս կամ գործարքներ իրականացնելիս առաջին դժվարությունը, որպես կանոն, տեղի գերատեսչությունների հետ հաղորդակցությունն ու կապ հաստատելն է:
Մեր թիմը սիրով կաջակցի Ձեզ Գերմանիայում համապատասխան գերատեսչության, նախարարության կամ այլ պետական մարմնի հետ կապ հաստատելու, վերջիններիս դիմում ներկայացնելու կամ թույլտվություն ստանալու դեպքում:
