DWV ամառային խնջույք
Հունիսի 26-ին կայացավ Գերմանական տնտեսական միավորման ամառային խնջույքը՝ երեկո, որն անցավ ջերմ ու հաճելի մթնոլորտում։Ուրախ ենք արձանագրել, որ միջոցառմանը մասնակցեցին մեծ թվով հյուրեր, ինչը ևս մեկ անգամ վկայում է մեր անդամների և գործընկերների բարձր հետաքրքրվածության ու ներգրավվածության մասին։ Միջոցառման նպատակն էր խթանել կապերի խորացումը մեր անդամների միջև և ստեղծել նոր ծանոթությունների ու բովանդակալից զրույցների հնարավորություն։Մեր անդամ ընկերությունների ներկայացուցիչներից զատ միջոցառմանը ներկա էին նաև միավորման տեղի և միջազգային գործընկերներ։ Հատուկ շնորհակալություն ենք հայտնում Ձերդ գերազանցություն տիկին Կլաուդիա Բուշին՝ Հայաստանում Գերմանիայի Դաշնային Հանրապետության արտակարգ և լիազոր դեսպանին, միջոցառմանը մասնակցելու և անդամների հետ ունեցած հետաքրքիր զրույցների համար։
Գերմանական տնտեսական միավորման այցը NeuroKlinik Գերմանական նյարդաբանության կենտրոն
Հունիսի 19-ին Գերմանական տնտեսական միավորումը այցելել է NeuroKlinik Գերմանական նյարդաբանության կենտրոնը։ Այցի ընթացքում մենք ծանոթացանք կլինիկայի գործունեությանն ու առաքելությանը, կլինիկայում գործող հարմարություններին, նորարական մոտեցումներին և ժամանակակից տեխնոլոգիաներին։ Կլինիկան հագեցած է նորագույն և ժամանակակից գերմանական սարքավորումներով և համապատասխանում է որակի բարձր չափանիշներին։ Գերմանական նյարդաբանական կետնորնի թիմը համալրված է Գերմանիայում կրթություն ստացած, աշխատած կամ հետազոտած բժիշկներով։ Միջոցառմանը ներկա էր նաև Հայաստանում Գերմանիայի փոխդեսպան պարոն Էրիկ Թինտրուպը։ Այցի վերջին հատվածում Գերմանական տնտեսական միավորման և NeuroKlinik-ի միջև ստորագրվեց անդամակցության հայտ։ Ուրախ ենք տեսնել նման առաջադեմ կենտրոնը մեր միավորման անդամների շարքում։
Վեբինար «Գերմանական տնտեսությունը անցումային փուլում` նոր հնարավորություններ հայկական ընկերությունների համար»
Հունիսի 12–ին տեղի ունեցավ մեր վեբինարը՝ «Գերմանական տնտեսությունը անցումային փուլում` նոր հնարավորություններ հայկական ընկերությունների համար» խորագրով։ Մեր գործընկերներ Յանա Ավգուստինը hannoverimpuls GmbH-ից և դոկտոր Վերոնիկա Լյուբկեն Bridge One Seven GmbH-ից կիսվեցին կարևոր տեղեկություններով՝– Գերմանիայում ներկայիս տնտեսական իրավիճակի,– նոր գերմանական կառավարության ապագա ծրագրերի և բիզնես ոլորտի բարեփոխումների,– Հանովերի տարածաշրջանում բիզնես հիմնելու հնարավորությունների և– ֆինանսավորման և աջակցության ծրագրերի վերաբերյալ։ Դոկտոր Վերոնիկա Լյուբկեն ներկայացրեց նաև Գերմանիայում բիզնես հիմնելու օրինակներ՝ անդրադառնալով նաև այն հայկական ընկերություններին, որոնք հաջողությամբ բացել են իրենց մասնաճյուղերը Գերմանիայում՝ hannoverimpuls-ի և Bridge One Seven-ի աջակցությամբ։Միջոցառումը վարում էր Գերմանական տնտեսական միավորման գործադիր տնօրեն Մերի Նավասարդյանը։
ԳՏՄ անդամների այցը Գյումրի
Հունիսի 6-ին Գերմանական տնտեսական միավորումը իր անդամների հետ ուղևորվել էր Գյումրի՝ այցելելու Շիրակի մարզում գտնվող իր անդամ-ընկերություններին: Առաջին կանգառը ԳՏՄ անդամ «Գյումրի Գարեջուր» գործարանն էր, որտեղ մենք ծանոթացանք Հայաստանում և մասնավորապես Գյումրիում գարեջրի պատմությանը, «Գյումրի Գարեջուր» գործարանի պատմությանն ու գարեջրի տեսակներին, որակային չափանիշներին և համերին։ Հնարավորություն ունեցանք համտեսելու մեր անդամ-ընկերության արտադրանքն ու կատարելու շրջայց գործարանում։ Այնուհետև մենք ուղևորվեցինք «Բեռլին Արտ Հոթել» հյուրանոց։ Հյուրանոցում մեր անդամների համար կազմակերպեցին շրջայց։ Ծանոթացանք հյուրանոցի պատմությանը, կոնցեպտին, առկա բոլոր հարմարություններին, սենյակների տեսակներին, հնարավորություն ունեցանք ծանոթանալու հյուրանոցում ցուցադրված լոկալ արվեստագետների գործերին և այցելեցինք հյուրանոցի տանիքում գտնվող RoofTop25 տուրիստական կենտրոնը։ «Բեռլին Արտ Հոթել»-ը մեծապես կարևորում է լոկալ արվեստագետներին և աջակցում նրանց՝ ցուցադրելով վերջիններիս գործերը հյուրանոցում։ Հյուրանոցը նաև ՀՀ առաջին սոցիալական ձեռնարկություններից է և ստացված շահույթը ուղղվում է կից պոլիկլինիկայի ֆինանսավորմանն ու այլ բարեգործական նպատակներին։ Շնորակալ ենք մեր անդամ-կազմակերպություններին ջերմ հյուրընկալության և հիասքանչ օրվա համար։
ԳՏՄ անդամների տնտեսական թեմաների շուրջ հանդիպում
Ապրիլի 30-ին տեղի ունեցավ Գերմանական տնտեսական միավորման տնտեսական թեմաների շուրջ առաջին կանոնավոր հանդիպումը։ Հանդիպման հատուկ հյուրն էր «ԱՐԱՐԱՏԲԱՆԿ»-ի ներկայացուցիչ Գարիկ Բադալյանը։ Հանդիպման քննարկման թեմաներն էին պարտատոմսերը, դրանց ներգրավման նախադեպային օրինակները, ռիսկերն ու մեթոդները։ Պարոն Բադալյանի ելույթից հետո տեղի ունեցավ քննարկում ԳՏՄ անդամների հետ վերոնշյալ թեմայով։ Տնտեսական թեմաների շուրջ հանդիպումների հիմնական նպատակը նեթվորքինգն ու բիզնես թեմաների շուրջ քննարկումներն են։ Յուրաքանչյուր հանդիպում ունենում է հատուկ հյուր և թեմա։
Be My Guest Տիգրան Մեծ հրատարակչությունում
Ապրիլի 16-ին Be My Guest միջոցառումների շրջանակում Գերմանական տնտեսական միավորումը՝ իր մի շարք անդամ-ընկերությունների ներկայացուցիչների հետ միասին, այցելեց միավորման անդամ Տիգրան Մեծ հրատարակչություն։Այցի ընթացքում մենք ծանոթացանք Հայաստանի խոշոր և ամենահին տպագրատան պատմությանը, մատուցած ծառայությունների ցանկին ու առավելություններին։Տեսական հատվածին հաջորդեց շրջայցը տպագրատան տարբեր արտադրամասերում, որտեղ մենք ծանոթացանք արտադրական տարբեր գործընթացներին և մատուցվող ծառայությունների լայն հնարավորություններին։Այցն ամփոփվեց հյուրասիրությամբ և նեթվորքինգով , որի ընթացքում ունեցանք կարճ տեսազանգ Գերմանիայում գտնվող մեր միավորման նոր անդամ Լուսինե ֆոն Վրանգելի հետ և ծանոթացանք տիկին Վրանգելի առաջարկած ծառայություններին։Շնորհակալություն ենք հայտնում Տիգրան Մեծ հրատարակչությանը նման ջերմ ընդունելության և հետաքրքիր հանդիպման համար։
«ՀՀ տնտեսական մոնիթորինգ»՝ համատեղ միջոցառում Բեռլին Էկոնոմիկսի հետ
Ապրիլի 3-ին մենք ունեցանք հագեցած միջոցառում Գերմանական տնտեսական թիմի / Berlin Economics-ի հետ՝ Հայաստանի տնտեսական մոնիթորինգի վերաբերյալ:Berlin Economics-ի ներկայացուցիչները ներկայացրեցին իրենց վերլուծության վերջին արդյունքները Հայաստանի տնտեսական իրավիճակի վերաբերյալ՝ տրամադրելով արժեքավոր տեղեկատվություն երկրի տնտեսական աճի, մարտահրավերների և հնարավորությունների մասին:Բացի այդ Berlin Economics-ի ներկայացուցիչները կիսվեցին նաև իրենց ուսումնասիրության արդյունքներով ՀՀ էներգետիկ ոլորտի վերաբերյալ: Միջոցառմանը մասնակցեց Գերմանական տնտեսական միավորման ավելի քան 40 անդամ-ընկերություն: Միջոցառման ավարտական հատվածում մասնակիցները հնարավորություն ունեցան բանախոսներին հղելու իրենց հետաքրքրող հարցերը։
Գերմանիայի Դաշնային Հանրապետության նախագահի այցը Հայաստան
Մարտի 31-ից ապրիլի 1-ը աշխատանքային այցով Հայաստան է ժամանալ Գերմանիայի Դաշնային Հանրապետության նախագահ Ֆրանկ-Վալտեր Շտայնմայերը։ Նախագահը հանդիպումներ է ունեցել ՀՀ նախագահի, ՀՀ Էկոնոմիկայի նախարարի, ՀՀ վարչապետ Նիկոլ Փաշինյանի հետ։ Քաղաքական հանդիպումներից զատ կիզակետում էին նաև Հայաստանի և Եվրամիության միջև մերձեցման գործընթացն ու մշակութային համագործակցության խորացումը։ Մարտի 31-ին նախագահը այցելել է նաև Կոմիտասի թանգարան-ինստիտուտ, որտեղ տեղի է ունեցել նաև մշակութային ընդունելություն։ Ընդունելությանը մասնակցեց նաև Գերմանական տնտեսական միավորման Վարչական խորհրդի նախագահ Արտաշես Մարգարյանը։
Ղեկավարների նեթվորքինգ հանդիպում
Մարտի 20-ին «UWC Dilijan»-ում «Մատենա» միջազգային բիզնես դպրոցը կազմակերպել էր ղեկավարների հանդիպում։ Միջոցառման մի հատվածը նվիրված էր «Նեթվորքինգը՝ որպես ղեկավարների առաջնորդության ռազմավարական գործիք» թեմայով դինամիկ պանելային քննարկմանը, որին մասնակցում էին տարբեր ասոցեացիաների ներկայացուցիչներ։ Գերմանական տնտեսական միավորման կողմից քննարկումներին մասնակցեց միավորման Վարչական խորհրդի նախագահ Արտաշես Մարգարյանը։
Հայ-գերմանական բիզնես դիալոգ
Մարտի 20-ին տեղի ունեցավ «Հայ-գերմանական բիզնես դիալոգ» առցանց միջոցառումը, որը կազմակերպվել էր Գերմանիայի տնտեսության արևելյան հանձնաժողովի (Ost-Ausschuss der Deutschen Wirtschaft), «Էնթերփրայզ Արմենիայի» և Գերմանական տնտեսական միավորման կողմից։ Ուրախ ենք արձանագրել, որ միջոցառմանը մեզ միացել էին ավելի քան 57 մասնակից։ Միջոցառման ընթացքում Գերմանիայում Հայաստանի Հանրապետության արտակարգ և լիազոր դեսպան Վիկտոր Ենգիբարյանը տրամադրեց կարևոր տեղեկատվություն Հայաստանի ներքին և աշխարհաքաղաքական անվտանգության վերաբերյալ , ինչը մեծ նշանակություն ունի օտարերկրյա ընկերությունների և ներդրողների համար։ Միջոցառման խոսնակներից Բեռլին Էկոնոմիկսի ներկայացուցիչ դոկտոր Ռիկարդո Ջիուչին ներկայացրեց Հայաստանի տնտեսության վերաբերյալ իրենց կատարած վերլուծություններն ու վիճակագրական տվյալները, իսկ Էնթրփրայզ Արմենիայի ներկայացուցիչ Աննա Հովհաննիսյանը խոսեց Հայաստանում ներդրումային միջավայրի, պետական աջակցությունների և մի շարք այլ կարևոր հարցերի վերաբերյալ։ Միջոցառումը վարեցին Գերմանիայի տնեսության արևելյան հանձնաժողովի Եվրոպայի տարածաշրջանային տնօրեն Ալենա Ակուլիչը և Հայաստանում Գերմանական տնտեսական միացորման գործադիր տնօրեն Մերի Նավասարդյանը։ Միջոցառման վերջում տեղի ունեցավ հարց ու պատասխան։