Միջոցառում՝ նվիրված SES ծրագրերին
Մայիսի 22-ին Գերմանական տնտեսական միավորման նախաձեռնությամբ տեղի ունեցավ միջոցառում՝ նվիրված SES` գերմանական ավագ փորձագետների ծառայության ծրագրերին։
Հայ֊գերմանական դիվանագիտական հարաբերությունների 30-ամյակին նվիրված գրքի հրատարակում
Կոնրադ Ադենաուեր հիմնադրամը Գերմանա-հայկական ֆորումի հետ համատեղ 2022թ. նախաձեռնել էր հայ֊գերմանական դիվանագիտական հարաբերությունների 30-ամյակին նվիրված գրքի հրատարակում։
SES փորձագետը Հայաստանում
Եվս մեկ SES նախագիծը կյանքի կոչվեց 2023 թվականին։ Գերմանական տնտեսական միավորման միջնորդությամբ DWV անդամ Andaco ընկերությունը դիմել է SES նախագծին, որպեսզի Հայաստան հրավիրի հացագործության ոլորտում փորձագետի։
DWV սեմինար «People Analytics»
Մարտի 28-ին Գերմանական տնտեսական միավորման նախաձեռնությամբ տեղի ունեացավ սեմինար “People Analytics` ինչու է անձնակազմի վերլուծությունը կարևոր” խորագրով, որը նախատեսված էր միավորման անդամ-ընկերությունների մարդկային ռեսուրսների, տաղանդների կառավարման մասնագետների համար։
Հայ-Գերմանական տնտեսական հարաբերությունները ԵՄ փոխգործակցության շրջանակում
Մարտի 16-ին Գերմանական տնտեսական միավորման նախաձեռնությամբ տեղի ունեցավ միջոցառում «Հայ-Գերմանական տնտեսական հարաբերությունները ԵՄ փոխգործակցության շրջանակում» խորագրով։
ԳՏՄ անդամների տարեկան հանդիպում
Փետրվարի 21-ին տեղի ունեցավ Գերմանական տնտեսական միավորման անդամների տարեկան հանդիպումը, միավորման գործադիր տնօրեն Մերի Նավասարդյանը անդամներին զեկուցեց 2022 թվականին կատարված աշխատանքների, իրականացված ծրագրերի, միջոցառումների և ձեռք բերված համաձայնությունների մասին
Be My Guest միջոցառումը Թերմորեքսում
Փետրվարի 8-ին Be My Guest միջոցառման շրջանակում Գերմանական տնտեսական միավորման անդամները, ինչպես նաև միավորման խորհրդատվական մարմնի և վարչության անդամները այցելեցին Թերմորեքս՝ երկմետաղ թերմոստատների և ջերմակարգավորիչների առաջատար արտադրողներից մեկն աշխարհում։
Բաց դռների օր Գյումրիում
Հունվարի 26-ին DWV անդամ «ՄԵՅՋՈՐԵԼ ԱՐՄԵՆԻԱՆ» կազմակերպել էր բաց դռների օր Գյումրիում։ Միջոցառումը նախատեսված էր գերմանախոսների համար և հնարավորություն էր ընձեռում նրանց ծանոթանալու ընկերությանը, նրա աշխատանքային մթնոլորտին, աշխատանքի ընդունվելու հնարավորություններին ու ընթացակարգին։ Միջոցառմանը ներկա էր նաև Հայաստանում Գերմանական տնտեսական միավորման գործադիր տնօրեն Մերի Նավասարդյանը։ Տիկին Նավասարդյանը անդրադարձավ անդամ ընկերության գործունեությանն ու խոսեց Գերմանական տնտեսական միավորման աշխատանքի և առաքելության մասին։
ԳՏՄ անդամների ամանորյա հանդիպում
Դեկտեմբերի 21-ին տեղի ունեցավ ԳՏՄ անդամների 2022 թվականի եզրափակիչ հանդիպումը։ Գործադիր տնօրեն Մերի Նավասարդյանը հանդես եկավ ողջույնի խոսքով և զեկուցեց ԳՏՄ-ի 2022 թվականի գործունեության մասին՝ կարևորելով հաջող համագործակցությունը Berlin Economics-ի (GET), Գերմանական տնտեսության արևելյան կոմիտեի, Bayern International-ի և բազմաթիվ այլ ընկերությունների հետ։ Նա շնորհակալություն հայտնեց բոլոր անդամներին ակտիվ համագործակցության համար և կոչ արեց շարունակական ներգրավվածություն ունենալ ապագա բոլոր նախաձեռնություններում: Վարչական խորհրդի նախագահ Արտաշես Մարգարյանն իր խոսքում շատ կարևոր որակեց ԳՏՄ-ի դերը գերմանա-հայկական տնտեսական համագործակցության զարգացման և պահպանման գործում և շնորհակալություն հայտնեց բոլոր ներկաներին։ Գալիք 2023 թվականը, անկասկած, բեղմնավոր տարի է լինելու՝ լի նոր մարտահրավերներով ու հնարավորություններով։
BFP 2022 -Լարային և կսմիթային գործիքների արտադրություն, Բավարիա -Հայաստան
Հոկտեմբերի 10-ից 14-ը Գերմանական տնտեսական միավորման ղեկավարմամբ հայաստանյան պատվիրակությունը Bayern fit for Partnership 2022 -Լարային և կսմիթային գործիքների արտադրություն, Բավարիա -Հայաստան ծրագրի շրջանակներում այցելեց մեծ հռչակ վայելող բավարական արտադրամասեր, որոնք մասնագիտացված են լարային և կսմիթային երաժշտական գործիքների արտադրությամբ։ Պաշտոնական այցեր կատարվեցին Մյունխեն, Միթենվալդ, Բայրոյթ, Բուբենրոյթ և Բամբերգ քաղաքներում տեղակայված ջութակի և դաշնամուրի խոշոր արտադրամասեր, ինչպես նաև լարային և կսմիթային գործիքների բնօրրանը համարվող պատմամշակութային կարևոր նշանակություն ունեցող վայրեր։ Այցի նպատակն էր խթանել հայ-բավարական տնտեսական հարաբերությունների զարգացմանը և կայուն համագործակցության տեսլականի իրագործմանը։ Ջութակի, ալտի, թավջութակի, կոնտրաբասի և վերջիններիս համար նախատեսված աղեղների արտադրությամբ մասնագիտացված Leonhardt, Pöellmann, Feichtl & Gooch, Günther H. Lobe, Dörfler, Josef Teller և Erben ընկերությունների և արտադրամասերի ղեկավարները կիսվեցին լարային նվագարանների ստեղծման իրենց բազմամյա վարպետական փորձով և պատվիրակության անդամներին հնարավություն ընձեռեցին տեղում փորձարկել և գնահատել արտադրանքը։ Հատկանշական էին այցերը դաշնամուրի արտադրությամբ համաշխարհային հռչակ վայելող , Steingraeber & Söhne և Neupert J.C. ընկերություններ, որտեղ պատվիրակության անդամները ծանոթացան հնագույն նախատիպ ունեցող կլավեսինների, կլավիկորդների և դաշնամուրի այլ տեսակների արտադրությանը և վերանորոգման ընթացակարգին։ Պատվիրակությունը առանձին այցեր ունեցավ Գարմիշ -Փարթենքիրխեն համայնքի երաժշտական դպրոցում և Գրայֆենբերգի հատուկ մասնագիտացված հետազոտական կենտրոնում։ Վերջինս իր տեսակի մեջ եզակի կառույց է, որը զբաղվում է հնագույն ստեղնաշարային գործիքների վերանորոգմամբ` հիմնվելով բնօրինակը ճշգրտությամբ վերարտադրելու նորարարական մեթոդների վրա։ Պատվիրակության անդամներին հնարավորություն ընձեռնվեց նաև այցելել Գերմանական ազգային թանգարանում ներկայացված Մյունխենյան ջութակի օրեր հատուկ ցուցադրությանը, որի ժամանակ երաժիշտները ծանոթացան լարային նվագարան արտադրող շուրջ 30 վարպետների աշխատանքներին։ Այցն ամփոփվեց Բավարիայի էկոնոմիկայի, տարածաշրջանային զարգացման և էներգետիկայի նախարարության Եվրոպայի և տոնավաճառների հարցով զբաղվող բաժանմունքի ղեկավար Արմին Շվիմբեքի կողմից հանդիսավոր ընդունելությամբ և հավաստագրերի պատվավոր հանձնման արարողությամբ։ Արմին Շվիմբեքը կարևոր նմանատիպ նախագծերի դերն ու արժեքը Բավարիա-Հայաստան տնտեսական կապերի զարգացման գործում, ինչպես նաև ուրախությամբ հաղորդեց վերջին մեկ տարվա ընթացքում երկու կողմերի միջև արտաքին առևտրում գրանցած ցուցանիշների դրական աճի մասին։ Գերմանական տնտեսական միավորման գործադիր տնօրեն, BFP-հայկական պատվիրակության ղեկավար Մերի Նավասարդյանն իր շնորհակալական խոսքն ուղղեց պարոն Շվիմբեքին, Bayern International կազմակերպության ծրագրերի համակարգող Սոֆիա Գութեքունսթին, Բավարիայի արհեստագործական միջազգային կազմակերպության ղեկավար տիկին Էդիթ Բյոմին և Dega — Expoteam -ի ղեկավար պարոն Գյունթեր Էնդերսին ընձեռած հնարավորության և արդյունավետ համագործակցության համար համար և կարևորեց նմանօրինակ ծրագրերի դերը կլաստերային ռազմավարության հաջողության հասնելու խթանելու համատեքստում։